Viðskiptarammi - Viðskiptamódel og -áætlanir

Snemmskráningartilboð - Kóðinn vetur20 veitir 20% afslátt af námskeiðinu.

Í heimi viðskipta, þar sem breytingar eru hraðar og kröfur aukast stöðugt, er nauðsynlegt fyrir stjórnendur að hafa skýran ramma til að móta, skipuleggja og framkvæma viðskiptahugmyndir. Námskeiðið „Viðskiptarammi - Viðskiptamódel og -áætlanir“ er sérstaklega hannað fyrir stjórnendur fyrirtækja og stofnana sem vilja þróa öflugar viðskiptaáætlanir sem styðja við vöxt og sjálfbæran rekstur.

Í þessu námskeiði munu þátttakendur læra að greina tækifæri, ramma inn viðskiptahugmyndir og þróa viðskiptamódel sem gera þeim kleift að framkvæma hugmyndir sínar á markvissan hátt. Með blöndu af fyrirlestrum, raunhæfum dæmum og verklegum æfingum munu þátttakendur öðlast verkfæri sem stuðla að árangursríkri framkvæmd viðskiptaverkefna.

Markmið:

Markmið námskeiðsins er að veita þátttakendum þá færni sem þarf til að þróa og ramma inn viðskiptahugmyndir sem stuðla að hagkvæmum og sjálfbærum rekstri. Í lok námskeiðsins verða þátttakendur betur undirbúnir til að umbreyta hugmyndum í raunhæf verkefni sem skila arðsemi og auka samkeppnishæfni.

Skipulag námskeiðsins: Námskeiðið er í þrjár vikur þar sem þróun viðskiptamódela og áætlanagerð eru í fyrirrúmi:

• Vika 1:
  • Greining tækifæra innan starfseminnar, forgangsröðun og helstu aðferðir til greiningar.
  • Kynning á aðferðum og ferlum til að tryggja árangursríka framkvæmd verkefna með áherslu á tíma- og kostnaðaráætlun.
• Vika 2:
  • Fjárhagsleg greining og líkanagerð til að meta fjármögnun viðskiptatækifæra.
  • Uppsetning rekstrarlíkans til langs tíma eftir innleiðingu.
• Vika 3:
  • Verðmat og núvirðing viðskiptatækifæra byggt á fjárhagslíkönum, með gestafyrirlesara.
  • Þátttakendur vinna að útfærslu á viðskiptahugmynd með Business Model Canvas og kynna fyrir hópnum ef þeir vilja.

Kennari: Páll Kr. Pálsson, MSc í iðnaðarverkfræði, er reynslumikill frumkvöðull og ráðgjafi í viðskiptaverkefnum. Hann hefur kennt viðskipta- og nýsköpunargreiningu við Háskóla Íslands og Háskólann í Reykjavík síðan 2002 og rekið fjölda fyrirtækja á ferli sínum.

HAGNÝTAR UPPLÝSINGAR

Námskeiðið hefst 16. janúar 2025. Kennt verður í 3vikur á fimmtudögum frá 13-16 og á föstudögum frá 9-12.

Námið er í boði sem staðnám í Borgartúni 23 eða fjarnám (í beinni á netinu eða með upptökum þegar hentar) eða sem blönduð námsleið. 

Námið er  18 klst., þ.e. 6 áfangar, 3 klst. hver áfangi.

Námsmat: Hópverkefni í tímum og lokaverkefni sem byggir á raunhæfu verkefni sem tengist vinnu eða áhugamáli nemenda (einstaklingsverkefni)

Námsgjöld: 269.000 kr. 

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.