Ólöf Erla Einarsdóttir

Ólöf Erla Einarsdóttir útskrifaðist frá LHÍ árið 2002 með BA gráðu sem grafískur hönnuður. Skömmu síðar hóf hún störf hjá RÚV, þar sem hún starfaði í 11 ár við hönnun og grafík, bæði fyrir vef og sjónvarp.
Samhliða því hefur Ólöf Erla starfað náið með mörgum af ástkærustu listamönnum þjóðarinnar við hönnun og vinnslu á hljómplötum, plakötum, myndböndum, auglýsingum og fleira.
Þegar Ólöf Erla sagði skilið við RÚV lá leið hennar til 365 og þaðan í markaðsdeild NOVA, áður en hún stofnaði fyrirtækið SVART og fór að starfa alfarið á eigin vegum.