Leiðtogi í PR og krísustjórnun

Í umhverfi þar sem upplýsingar dreifast hratt og samfélagsmiðlar geta skapað óvæntar áskoranir, skiptir máli að vera vel undirbúinn og geta brugðist skjótt við. Almannatengsl og krísustjórnun eru ómissandi verkfæri til að viðhalda trausti, verja orðspor og tryggja stöðugleika í erfiðum aðstæðum. Þetta námskeið veitir nauðsynlega innsýn í hvernig á að móta áhrifaríkar samskiptaáætlanir, undirbúa sig fyrir mögulegar krísur og vinna markvisst að því að verja hagsmuni fyrirtækja.

Námskeiðið er hannað með það fyrir augum að veita verkfæri til að stýra samskiptum við fjölmiðla, samræma upplýsingaflæði innan og utan skipulagsheilda, og tryggja að allir sem koma að málinu séu samstíga. Það byggir á raunverulegum dæmum og praktískum æfingum, þar sem þátttakendur fá tækifæri til að vinna með raunhæf verkefni og þróa eigin krísustjórnunaráætlanir.

Markmið:

• Þróa og framkvæma áhrifaríkar almannatengsla- og samskiptaáætlanir til að vernda orðspor og viðhalda trausti í krefjandi aðstæðum.
• Greina krísur og þróa skýrar krísustjórnunaráætlanir til að tryggja örugg viðbrögð.
• Samræma innri og ytri samskipti til að tryggja samstillt og árangursríkt viðbragð innan skipulagsheilda.
• Stýra fjölmiðlasamskiptum, móta lykilskilaboð og viðhalda trúverðugleika í erfiðum aðstæðum.
• Undirbúa nemendur fyrir mögulegar krísur með verklegum æfingum og hópvinnu.

Námsefni:

1. lota: Mikilvægi almannatengsla og samskipta
   • Hvað eru almannatengsl og hvaða hlutverki gegna þau innan skipulagsheilda?
   • Meginþættir í árangursríkum almannatengslum.
   • Áhrif almenningsálits á fyrirtæki og samfélag.
2. lota: Krísustjórnun – Undirbúningur og viðbrögð
   • Hvað er krísa og hvernig þróast hún?
   • Skref í gerð krísuuáætlunar og viðbragðsferli.
   • Greining á áhættum og undirbúningur fyrir mögulegar krísur.
3. lota: Skipulögð samskipti
   • Innri og ytri samskiptaáætlanir
   • Strategísk samskipti
   • Aðferðir til að viðhalda trausti og trúverðugleika.
   • Samræming og boðskipti innan skipulagsheilda.
4. lota: Viðbrögð í fjölmiðlum í krísum
   • Hvernig á að takast á við fjölmiðla í erfiðum aðstæðum?
   • Hvernig vinna fjölmiðlar, hvernig er hægt að vinna með þeim?
   • Stjórnun upplýsinga.
5. lota: Fjölmiðlaframkoma og mótun lykilskilaboða
   • Hvernig tölum við við fjölmiðla, hvaða orðfæri notum við.
   • Mismunandi tegundur viðtala og áherslur eftir þeim.
   • Verklegar æfingar
6. lota: Lokaáskorun – Krísustjórnun í framkvæmd
   • Þátttakendur vinna í hópum að þróa krísustjórnunaráætlun fyrir raunhæft tilvik.
   • Hópar kynna niðurstöður sínar og fá endurgjöf.
   • Umræður og mat á árangri hópa.

Kennari: Andri Ólafsson, samskiptastjóri Landspítalans

Meðal gesta á námskeiðinu:

• Halla Gunnarsdóttir, verkefnastjóri á samskiptasviði Landspítala
• Pétur Blöndal, sjálfstæður ráðgjafi
• Skapti Örn Ólafsson, upplýsingafulltrúi SAF

HAGNÝTAR UPPLÝSINGAR

Nýtt námskeið hefst 18. september og kennt er á miðvikudögum 13:00 – 16:00 og fimmtudögum 9:00 – 12:00 í þrjár vikur

Námið er í boði sem staðnám eða fjarnám (í beinni á netinu eða með upptökum þegar hentar) eða sem blönduð námsleið. 

Námið er  18 klst., þ.e. 6 áfangar, 3 klst. hver áfangi.

Námsmat: Hópverkefni í tímum og lokaverkefni sem byggir á raunhæfu verkefni.

Námsgjöld: 269.000 kr. 

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.