Leiðtogi í Viðburðastjórnun og upplifunarhönnun

Lögð er áhersla á hvernig hægt er að skapa eftirminnilega og minnistæða upplifun af viðburðum, stöðum/svæðum, þjónustu og rýmum. Ennfremur er lögð áhersla á bæði stór verkefni og smá, fyrir fyrirtæki, stofnanir og fagfélög, sveitarfélög og hið opinbera, innlend jafnt sem erlend. 

Aðferðafræðin byggir á stuttum hönnunarsprettum, fyrirlestrum og samtölum við sérfræðinga innlenda og erlenda. Aðferðafræðin leggur áherslu á samskiptahæfni, úrlausnir vandamála og greiningu tækifæra, gagnrýna- og skapandi hugsun.  

Útgangspunktur námskeiðsins er upplifunarhagkerfið og mun Joseph Pine, höfundur hugtaksins og bókarinnar The Experience Economy, opna námskeiðið og gefa tóninn. 
 
Umsjón námsins er í höndum Eyþór Ívar Jónsson, Vice President fyrir ráðstefnur hjá European Academy of Management og forseti Akademias .  

Gestafyrirlesarar eru sérfræðingar í upplifun og viðburðastjórnun.

Leiðbeinendur námsins eru sérfræðingar í að hanna, skipuleggja og stýra upplifun. Einn til tveir leiðbeinendur halda utan um hvern áfanga sem byggja á reynslusögum og raundæmum.

Áfangar: 

1. Verðmæti upplifunar 
   • Inngangur og tilgangur
   • Íslenskt upplifunarhagkerfi 
   • Upplifunarhagkerfið
2. Undirbúningur upplifunar
   • Hönnun upplifunar 
   • Eftirvænting 
   • Að skrifa söguna
3. Viðburðarstjórnun  
   
   • Viðburðir og viðburðastjórnun
   • Skipulag og ferli
   • Virðissköpun
4. Leiksýningin  
   • Sviðsmyndin
   • Sýningin 
   • Leikstjórinn
5. Hönnunarsprettur - Leikurinn
   • Unnið með útgangspunkt í hönnun á viðburði
6. Leikhúsið 
   
   • Kynningar á einstaklingsverkefnum

HAGNÝTAR UPPLÝSINGAR

Námskeiðið hefst 30. október og er kennt á miðvikudögum 13:00 – 16:00 og fimmtudögum 9:00 – 12:00 fram til 14. nóvember 2024.

Námið er í boði sem staðnám í Borgartúni 23, fjarnám (í beinni á netinu eða með upptökum þegar hentar) eða sem blönduð námsleið. 

Námskeiðið er  18 klst., þ.e. 6 áfangar, 3 klst. hver áfangi.

Námsmat: Hönnunarsprettir og lokaverkefni (einstaklings- eða hópverkefni).

Námskeiðagjald: 269.000 

Hægt er að greiða með kreditkorti og fá reikning í heimabanka en jafnframt dreifa greiðslum í allt að 6 mánuði. Hafið samband við bokhald@akademias.is til að dreifa greiðslum.

Mörg stéttarfélög veita styrk í gegnum Starfsmenntunarsjóð fyrir allt að 90% af náminu en jafnframt eru aðrar styrkjaleiðir færar fyrir fyrirtæki, óháð starfsmanni (sjá www.attin.is). Hafðu samband og við aðstoðum akademias@akademias.is.